A district head, officers killed in Addis due to house demolition clash

0
413

29-6-2016

A clash between residents and police claimed the lives of the Sub City’s Head and Two police officers so far in Lafto Sub-city of Addis Ababa.

The clash erupted as the government stated demolishing thousands of houses in the Sub-city. The government claims most of the houses were illegal built.

በክፍለ ከተማው በተነሳ ረብሻ የሁለት ፖሊሶችና የአንድ የወረዳ ሥራ አስፈጻሚ ህይወት አለፈ

29 Jun 2016

በክፍለ ከተማው በተነሳ ረብሻ የሁለት ፖሊሶችና የአንድ የወረዳ ሥራ አስፈጻሚ ህይወት አለፈ

አዲስ አበባ ሰኔ 22/2008 በንፋስ ስልክ ላፍቶ ክፍለ ከተማ ከህገ-ወጥ ግንባታ ጋር ተያይዞ በተነሳ ረብሻ የሁለት ፖሊሶችና የአንድ የወረዳ ሥራ አስፈጻሚ ህይወት ማለፉን የአዲስ አበባ ፖሊስ ኮሚሽን አስታወቀ፡፡

በክፍለ ከተማው ወረዳ 1 በተለምዶ ቀርሳ ኮንቱማ እና ማንጎ ሰፈር በሚባል አካባቢ ህገ-ወጥ ግንባታዎችን ለመለየት የወረዳው አስተዳደር ከቀናት በፊት ከአካባቢው ማህበረሰብ ጋር ውይይት ሲያደርግ ቆይቷል።

ህጋዊውን ከህገ-ወጡ የማጥራትና የማወያየት ሁኔታው በሂደት እያለ ዛሬ ሰኔ 22 ቀን 2008 ዓም በተነሳ ረብሻ ስራ ላይ የነበሩ ሁለት ፖሊሶችና የአንድ የወረዳ ሥራ አስፈጻሚ ህይወት አልፏል።

በሌሎች የአስተዳደር አካላትና የፖሊስ አባላት ላይ የአካል ጉዳት በመድረሱም ወደ ህክምና ተቋማት ተወስደዋል፡፡

ችግሩን የፈጠሩት ግለሰቦች በድንጋይ፣ በእንጨትና በጎማ መንገዶችን በመዝጋት የአካባቢውን እንቅስቃሴ ለማስተጓጎልም ጥረት አድርገዋል፡፡

ፖሊስ ከህብረተሰቡ ጋር በመተባበር የተነሳውን ሁከት መቆጣጠሩን ገልጾ በቀጣይም ለችግሩ መፈጠር ምክንያት የሆኑ ግለሰቦችን በመለየት ህጋዊ እርምጃ እንደሚወስድ አስታውቋል፡፡

ኮሚሽኑ ለኢዜአ በላከው መግለጫ እንዳመለከተው ኃይልን በመጠቀም ጥያቄን ለማስፈፀም የሚደረግ ጥረት ጊዜው ያለፈበት አስተሳሰብ ነው።

ማንኛውንም ዓይነት ጥያቄ የህግ የበላይነትን ባረጋገጠና በህጋዊ መንገድ በየደረጃው በሚገኙ የመንግስት አካላት የሚፈታ ሆኖ በህገ-ወጥነት ለሚደረግ ማንኛውም እንቅስቃሴ ኮሚሽኑ የህብረተሰቡን ሠላም ከመጠበቅ አንፃር አስፈላጊውን ህጋዊ እርምጃ እንደሚወስድ አስታውቋል፡፡

ህገ-ወጥ ተግባር የሚፈጽሙትን ለመለየት በሚደረገው ጥረት ሠላም ወዳዱ የአካባቢው ማህበረሰብ ለፖሊስ እገዛ በማድረግ የተለመደ ትብብሩን እንዲያሳይ በማለት ኮሚሽኑ ጠይቋል፡፡

Source: ENA