Amhara region has a new President-አቶ ገዱ አንዳርጋቸው የአማራ ክልል ርእሰ መስተዳደር ሆነው ተሾሙ

0
446

Dec. 19, 2013

In an emergency meeting held in the Capital of the region, Bahir Dar, the Amhara Regional Administration has elected a new President.

Ayalew Gobeze, who served as the President of the region for the past eight years has been replaced by his Deputy Degu Andargachew. The region also reshuffled other top officials of the region.

ስቸኳይ ስብሰባውን ከትናንት ምሽት ጀምሮ በባህር ዳር ያካሄደው የአማራ ክልል ምክር ቤት የክልሉን ርእሰ መስተዳድር ሾሟል።

ምክር ቤት ለስምንት ዓመት ተኩል ክልሉን ያገለገሉት አቶ አያሌው ጎበዜን በአቶ ገዱ አንዳርጋቸው ተክቷል።

አቶ ገዱ ክልሉን በምክትል ርእሰ መስተዳድርነትና የክልሉ ግብርና ቢሮ ሃላፊ ሆነው ሲያገለግሉ ቆይተዋል።

ለምክር ቤቱ የስንብት ንግግር ያቀረቡት አቶ አያሌው ጎበዜ የክልሉ መንግስትና ህዝብ ላደረገላቸው ድጋፍ ምስጋና አቅርበዋል።

አቶ አያሌው ለአዲሱ ርዕሰ መስተዳድርም መልካም የስራ ዘመንን ተመኝተዋል።

የብሄረ አማራ ዴሞክራሲያዊ ንቅናቄ /ብአዴን/ የድርጅት ጉዳዮች ሀላፊ አቶ ፈንታ ደጀን እንደተናገሩት፥ አቶ አያሌው ጎበዜ ባቀረቡት ጥያቄን እና የድርጅቱን የመተካካት መርህን መሰረት በማድረግ ወደ ሌላ ሀላፊነት ተዘዋውረዋል።

አቶ ብናልፍ አንዱዓለምም የክልሉ ምክትል ርእሰ መስተዳደር ሆነዋል።

በምክትል ርዕሰ መስተዳድር ማዕረግ የኢንዱስትሪና ከተማ ልማት ቢሮ ሀላፊ በመሆን ደግሞ ዶክተር አምባቸው መኮንን ተሹመዋል።

የሙያና ቴክኒክ ኢንተርፕራይዞች፣ የባህልና ቱሪዝም፣ የውሃ እንዲሁም የአከባቢ ጥበቃና መሬት አስተዳደር ቢሮዎች አዳዲስ ሀላፊዎችም በምክር ቤቱ ተሹመዋል።

[Google]