EPRDF council meeting

0
197

Monday, 09 September 2013

የኢህአዲግ ም/ቤት ባደረገው መደበኛ ስብሰባ በተጠናቀቀው አመት በድርጅትና በፖለቲካ ፣በልማትና መልካም አስተደሳደር ረገድ የተከናወኑ የድርጅትና የመንግስት ተግባራትን ገምግሟል፡፡

ም/ቤቱ በዛሬው ውሎ ባለፈው አመት የተያዘውን ዕቅድ አፈጻጸም ጥንካሬና ጉድለት ከእድገትና ትራንስፎርሜሽን  እቅድ አንጻር በዝርዝር የፈተሸ ሲሆን ለቀጣይ ተመክሮ የሚሆኑ ጉዳዮችን በመለየት ውሳኔ አሳልፏል፡፡

በበጀት አመቱ በገጠር በመስኖ ልማት፣ በተፋሰስ ልማት ፣ በሰብልና በእንስሳት ሀብት  ልማት እንዲሁም በከተሞች በሲቪል ሰርቪስ የለውጥ አገልግሎት፣ በማሀበራዊ ልማት ፣ በትምርትና በጤና፣ በአነስተኛና ጥቃቅን ተቋማት እንዲሁም በፍትህ ስርአት ማሻሻያና በመልካም አስተዳደር ረገድ ሠራዊት ለመገንባት የተካሄደውን ርቀትና የተገኘውን ውጤት በዝርዝር ተመልክቷል፡፡

በአመቱ በተያዙ ተግባራት የተመዘገበው ውጤት አወንታዊ እንደነበረና በየደረጃው የነበረው አመራርና የድርጅት አባላት እንዲሁም መላ የአገሪቷ ህዝቦች ያደረጉት ርብርብ ከፍተኛ ግምት የተሰጠው መሆኑን አረጋግጧል፡፡

በዚህም መሰረት በአራቱም የኢህአዴግ ክልሎች በገጠር በነበሩ ተግባራት የልማት ሠራዊት ለመገንባት በተያዘው እቅድ መሰረት የታላቁን መሪ የአረንጓዴ ልማት ራዕይ ለማሳካት በተፋሰስ ልማት ረገድ በሁሉም ክልሎች ሠራዊት ለመገንባት የተቻለ ሲሆን በትግራይ ቀደም ሲል የተፈጠረው የልማት ሠራዊት በሰብል ልማትም በተሟላ መልኩ ተጠናክሮ መቀጠሉን ያረጋገጠው ኢህአዴግ ም/ቤት በሌሎች ክልሎችም በሰብል ልማት መስክ ምርጥ አፈፃፀም የነበራቸው ዞኖች፣ ወረዳዎች እንዲሁም የድርጅት መዋቅሮችና ግንባር ቀደም የአመራር አባላትና አባላት መበራከታቸውን ም/ቤቱ ተመልክቷል፡፡

በሌሎች ክልሎች በገጠር ልማት ስራዎች የልማት ሠራዊት ለመገንባት የታያዘው እቅድ በሁሉም አካባቢዎች ምቹ ሁኔታ የተፈጠረበት መሆኑን የገመገመው የኢህአዲግ ም/ቤት በየአካባቢው የተገኙ ምርጥ ተሞክሮዎችን በመቀመር ወደ ሁሉም መዋቅሮች የማስፋት ስራ በፍጥነት እንዲከናወን አቅጣጫ አስቀምጧል፡፡

በመልካም አስተዳደር ረገድም በየደረጃው የለውጥ ሰራዊት በመገንባት የልማት ተግባራትን ለማሳካት የተደረገው ጥረትም እንደየተቋማቱ አመራር በተለያየ ደረጃ የሚገለጥ ለውጥ መታየቱን የተመለከተው የኢህአዲግ ም/ቤት  በዚህ ረገድ በቀጣይ የህዝቡን እርካታ የሚያጎናፅፍ ስር ነቀልና ተቋማዊ ለውጥ የማምጣቱ ስራ ልዩ ትኩረት ሊሰጠው እንደሚገባ አስምሮበት አልፏል፡፡

በአመቱ በከተሞች ከነዋሪ ህዝብ ጋር የተካሄዱ የውይይት መድረኮች ከነዋሪው ጋር  በመግባባት መንፈስ የተፈፀሙ ከመሆናቸውን ባሻገር ድርጅቱና በእርሱ የሚመራው መንግስት  ከፍተኛ ግብአት ያገኙባቸውና ም/ቤቱ ይሀው በቀጣይም ተጠናክሮ  እንዲቀጥል አቅጣጫ አስቀምጧል፡፡

[stumble][Google]