New round of Amhara people eviction from Oromia region

0
767

June 3, 2013

The Addis Abeba based Amharic Sunday newspaper, Reporter, reported yesterday that over 600 Ethiopians of the Amhara ethnic origin have been evicted from the Ajila Dale and Awadi Gulfa Districts, Western Shewa Zone of Oromia region, Ethiopia. The farmers said to the Newspaper that their land and properties are being taken from them by the Zonal officials and is being given to other people. They said they have reported “the racist actions” to Regional officials and even the Prime Minister’s office.

When Amhara people were evicted from the Benishangul region two months ago, the new Ethiopian Prime Minister Hailemariam Dessalgn said that the eviction was by corrupt local officials and that actions would be taken against the officials. However, in less than two months after that speech, more people have been evicted from the Oromia region now.

The opposition Blue Party yesterday called in a public rally for the illegal evictions of citizens to be stopped.

The Amharic version of the Newspaper’s report follows,

በምዕራብ ሸዋ ዞን የሚኖሩ የአማራ ተወላጆች ይዞታቸው እየተነጠቀ መሆኑን አቤት አሉ

02 JUNE 2013 ተጻፈ በ  

በኦሮሚያ ክልላዊ መንግሥት በምዕራብ ሸዋ ዞን በዳኖ ወረዳ ውስጥ ሲኖሩ የቆዩ ከስድስት መቶ በላይ የሚሆኑ የአማራ ክልል ተወላጆች ይዞታችንን እየተነጠቅን ነው አሉ፡፡

በምዕራብ ሸዋ ዞን በዳኖ ወረዳ ውስጥ በሚገኙት አጀላ ዳሌና በአዋዲ ጉልፋ ቀበሌዎች የሚኖሩት የአማራ ክልል ተወላጆች አቤቱታቸውን ለኦሮሚያ ክልላዊ መንግሥትና ለምዕራብ ሸዋ ዞን፣ እንዲሁም ለተለያዩ የክልሉ መሥርያ ቤቶች ማቅረባቸውን ተናግረዋል፡፡ ነገር ግን ምላሽ ባለማግኘታቸው ቅሬታቸውን ይዘው ወደ ፌደራል በመምጣት ለፌዴሬሽን ምክር ቤት፣ ለእንባ ጠባቂ ተቋም፣ ለሰብዓዊ መብት ኮሚሽን በመጨረሻም ለጠቅላይ ሚኒስትር ጽሕፈት ቤት ማስገባታቸውንም አስረድተዋል፡፡

‹‹እየተፈናቀልን ነው›› ሲሉ ለሪፖርተር ምሬታቸውን የገለጹት የአማራ ክልል ተወላጆች እንደሚሉት፣ በወረዳውና በቀበሌ አመራሮች ከ1996 ዓ.ም. ጀምሮ የተለያዩ አስተዳደራዊ በደል ሲደርስባቸው እንደቆየና በአሁኑ ወቅት ግን መሬታቸው እየተነጠቀ ለሌሎች እየተሰጠ መሆኑን አስታውቀዋል፡፡

ቅሬታ አቅራቢዎቹ እንደሚሉት፣ በአካባቢው በሚገኙ ሁለት ቀበሌዎች ውስጥ መኖር የጀመሩት ከ1986 ዓ.ም. ጀምሮ ነው፡፡ በአካባቢው ተወላጅ ሽማግሌዎች መልካም ፈቃድ አግኝተው በስምምነት ቦታ ተሰጥቷቸው እርሻ መጀመራቸውንና ይህንንም የአካባቢው አስተዳደር አውቆ የመሬት ልኬት አካሂዷል፡፡ ነገር ግን መሬት ተለክቶ የባለቤትነት ደብተር ለሌሎች ሲሰጥ ለእነሱ ሆን ተብሎ እንዳልተሰጣቸው ገልጸዋል፡፡ ከአካባቢው ሕዝብ ጋር በሰላምና በወዳጅነት እየኖሩ ቢሆንም የአካባቢው ባለሥልጣናት ግን የእነሱን መኖር አልፈለጉትም ይላሉ፡፡

የወረዳውና የቀበሌው አመራሮች የዘር ልዩነት በማድረግ እያፈናቀሏቸው መሆኑን በመጥቀስ፣ መንግሥት ጣልቃ ገብቶ ችግራቸውን እንዲፈታለቸው በደብዳቤያቸው ጠይቀዋል፡፡

እነዚህ ተፈናቀልን የሚሉት ገበሬዎች ከአንድ እስከ ዘጠኝ ሔክታር መሬት እንዳላቸው ይገልጻሉ፡፡ በዚህ መሬት ላይ በቆሎ፣ ማሽላ፣ ዳጉሳ፣ ጤፍና በርበሬ የመሳሰሉትን አዝርቶችን የሚያለሙ መሆናቸውን፣ በአሁኑ ወቅት በቆሎና ማሽላ በማሳ ላይ እንደሚገኝ ጠቁመዋል፡፡ ነገር ግን መሬታቸውን እየተነጠቁ በመሆኑ መሬታቸውን እስከ ምርታቸው እያጡ መሆኑን በምሬት እየገለጹ ነው፡፡

‹‹በይዞታችን ላይ እያለማን፣ የመንግሥት ግብር እየከፈልን መኖር ከጀመርን ከ16 ዓመት በላይ ሆኖናል፤›› የሚሉት ቅሬታ አቅራቢዎቹ፣ በዘር ልዩነት እየደረሰባቸው ያለው ተፅዕኖ ሕገ መንግሥታዊ ድንጋጌን የሚቃረን መሆኑ ታውቆ ማስተካከያ ሊደረግበት እንደሚገባ አሳስበዋል፡፡

‹‹ግማሾቹ በእስር ቤት የሚገኙ ሲሆን፣ የቀረነው ደግሞ ከግብርና ሥራችን ታግደን በመጉላላት ላይ እንገኛለን፤›› ሲሉ ቅሬታ አቅራቢዎቹ ለጠቅላይ ሚኒስትር ጽሕፈት ቤት ያቀረቡት የአቤቱታ ደብዳቤ ይገልጻል፡፡

ሪፖርተር በዚህ ጉዳይ ላይ የኦሮሚያ ክልል ፕሬዚዳንት ጽሕፈት ቤትና የምዕራብ ሸዋ ዞን አስተዳደር አስተያየት እንዲሰጡበት ያደረገው ጥረት አልተሳካም፡፡ ነገር ግን የክልሉ ፖሊስ ኮሚሽን ስለጉዳዩ መረጃ እንዳልቀረበለት ለሪፖርተር ገልጿል፡፡

[Google]

Source : Reporter